Опис на книгата :Share

Приказни за пет жени, две Италијанки и три Словакинки. Пет различни животни судбини што се одигруваат во Братислава, во Торино, по улиците, во домовите, во телата, на интернет, на полигонот за коњски трки – но, пред сè, во главите на главните ликови. Добраковова вешто и суптилно ги поврзува петте жени во книгата, пишувајќи за нивните семејни односи, за нивните стравови и надежи, за нивните најголеми радости и најдлабоки разочарувања. „Мајки и камионџии“ е најзрелата и засега најдобрата книга на младата словачка писателка Ивана Добраковова, закитена со престижната Награда за литература на Европската Унија. „Ивана Добраковова е еден од најмоќните и најоригиналните гласови на современата словачка книжевност.“ „Литерари ривју“ „Петте раскази се поврзани на необичен и креативен начин, така што книгата може да се чита и како збирка раскази и како фрагментарен роман. Одлично напишани и посветени на актуелни теми, овие приказни се предизвик за секој читател.“ „Книжна ревуе“

Оценки и коментари :