Опис на книгата :Share

„Прво дело на млад автор. Прво, па – машко!“ „Роман што покажува на дело дека не е толку важно кој е авторот и колку неговото име е познато и чуено на македонската книжевна сцена, туку – што создал тој; каква содржина ни понудил нам, читателите…“ Романот е посветен на тринаесетмина историски личности: 1. Адолф Хитлер 2. Антонио де Оливеира Салазар 3. Аугусто Хозе Рамон Пиноче Угарте 4. Бенито Амилкаре Андреја Мусолини 5. Иди Дада Амин 6. Јосип Броз Тито 7. Јосиф Висарионович Џугашвили Сталин 8. Мао Це Тунг 9. Моамер Мухамед Абу Минијар ел Гадафи 10. Николае Чаушеску 11. Фидел Алехандро Кастро Руз 12. Франциско Паулино Ерменегилдо Теодуло Франко 13. Царот („Автомобилот“) Хирохито, императорот Шова Тено („Мир На Умот“) Сите тие, седнати на клупата на Судот на светската историја – се прогласени за диктатори. Секој знае, слушнал и прочитал поединости за нивните злодела, сторени врз сопствениот народ, а воедно и врз целото човештво, злодела сторени во „возрасни“ години. Но дали некогаш сте се запрашале какви биле тие во своето детство? Какви биле кога биле мили, мали, слатки дечиња? Таа паралела, дете – возрасен, всушност е главната мисла водителка на ова уникатно дело, кое сигурно ќе ја разбранува и ќе ја заинтригира целата читателска (и нечитателска!) јавност…

Оценки и коментари :