Опис на книгата :Share

Книгата „Завет за Македонија” е содржински осмислена преку седум поглавја, седум тематски јадра, кои ги отвара, „Биографската исповед од Полска до Македонија”, каде што личните сеќавања за детските доживувања и трауми се преплетуваат со изразитата и јасна свест на авторот за неопходниот ангажман во соочувањата со премрежињата на нашата татковина. За некого Македонија е попатна станица. Некој во неа гледа простор за личен подем и остварување на сопствените идеали. На многумина таа им создава немир и претставува основна пречка за заборав на македонското прашање. За Ставре Џиков Македонија е исконот, оној прапочеток од кој започнува сè. Таа е причината за постоењето, мечта за животот и непребол за навек. Драг читателу, во моментот кога ја отвораш оваа книга, ти всушност стануваш сопатник низ премрежињата на Ставре Џиков. Зборовите ќе те однесат во историјата и ќе ти овозможат да создадеш сопствено мислење за процесите од минатото во кои Џиков несомнено бил активен учесник. Тој бил оној што пркосел, сите ние сме следбеници на тој пркос. Тоа е истиот македонски пркос што опстојувал низ вековите, оној пркос што овозможил да уживаме во нашата заедничка слобода.

Оценки и коментари :